فاهمة إن في حاجة جواكي محتاجة تتغير… بس مش عارفة تبدأي منين؟
في سكينة.لايف، هتلاقي مساحة آمنة تساعدك تفهمي نفسك، ترتّبي أفكارك، وتاخدي خطوات عملية نحو تغيير حقيقي، من خلال إرشاد نفسي يجمع بين الفهم النفسي والرؤية الإسلامية
إيه اللي ممكن توصلي له من خلال جلساتنا؟
تكتشفي الأنماط المتكررة في علاقاتك وقراراتك وتبدأي تغيّريها
تشوفي أخطاءك برحمة، من غير جلد للذات أو تبرير
تفهمي الأفكار والمشاعر والاحتياجات اللي ورا تصرفاتك
تقربي من ربنا برحمة واتزان، من غير خوف أو حكم على مشاعرك
تعبّري عن احتياجاتك وتحطي حدود من غير إحساس بالذنب
تفهمي مشاعرك وتتعاملِي معاها بهدوء بدل ما تتحكم في تصرفاتك
هنمشي مع بعض إزاي؟
نفهم احتياجك
نبدأ بجلسة استشارية نتعرف فيها عليكي وعلى المشكلة اللي حابة تشتغلي عليها، ونتأكد إن الجلسات مناسبة ليكي، ولو احتجتِ دعم متخصص نساعدك توصليله
نحط خطة تناسبك
نحدد مع بعض أهدافك والمشكلة اللي هنبدأ بيها، ونحط خطة واضحة تناسب احتياجاتك وظروفك، عشان تكون كل خطوة في رحلتنا ليها هدف واضح وتقدّم ملموس
نبدأ رحلة السكينة
نشتغل في الجلسات على أفكارك ومشاعرك وسلوكياتك، ومع كل جلسة تاخدي تمرين أو خطوة عملية تطبقيها، عشان تشوفي التغيير بشكل واضح وتدريجي ومستمر
إمتى الجلسات تكون مش مناسبة لاحتياجك الحالي؟
لو بتمري بأزمة نفسية طارئة، أو بيجيلك أفكار عن الانتحار أو إيذاء نفسك أو الآخرين، أو بتسمعي أو بتشوفي حاجات مش موجودة، فالجلسات دي مش كفاية لاحتياجك الحالي، والأفضل تتواصلي مع طبيب أو مختص للرعاية المناسبة
إمتى الجلسات تكون مناسبة لاحتياجك الحالي؟
لو بتعاني من القلق أو بتمري بحزن وفقدان للشغف، أو بتواجهي جلد الذات أو مشاكل في علاقاتك، أو عندك صعوبة في عباداتك وعلاقتك بربنا، فالجلسات ممكن تساعدك تفهمي نفسك و تبدأي خطوات ناحية السكينة
ملحوظة مهمة: من مسئوليتي كمرشدة نفسية إني أوضّح لكِ من الجلسة الأولى لو ظهرت أعراض تحتاج إلى تقييم أو متابعة مع طبيب أو متخصص آخر، وأوجّهكِ إلى نوع الدعم المناسب لحالتك
أسئلة ممكن تكون في بالك
هسمعك ونتكلم، وآخد فكرة مبدئية عن المشكلة اللي حابة تشتغلي عليها، عشان نتأكد إن الجلسات مناسبة لاحتياجك وإنك مرتاحة معايا. وبعدها هنحدد أهدافنا ونحط خطة مبدئية للشغل لو قررنا نكمل سوا
في المتوسط، ممكن تحتاجي من 8 إلى 12 جلسة عشان تلاحظي تغيير واضح، لكن العدد ممكن يزيد أو يقل حسب طبيعة المشكلة واحتياجك واستجابتك للجلسات. هنراجع تقدّمك باستمرار، وهنتكلم سوا بوضوح لو احتجنا نغيّر الخطة أو عدد الجلسات
الجلسة التعريفية المجانية مدتها حوالي 30 دقيقة، وهدفها إننا نتعرف على بعض ونفهم المشكلة بشكل مبدئي. بعد كده مدة الجلسة الأساسية ساعة. ولو احتجنا نوقف بعد نصف ساعة، لأننا وصلنا لنقطة محتاجة وقت لاستيعابها أو لأن طاقتك مش سامحة نكمل، هيتبقى ليكِ نصف جلسة نحدد له موعد تاني
الجلسة التعريفية مجانية دايمًا، وبعدها سعر الجلسة للمصريات 350 جنيه. ومتاح كمان باكدج 8 جلسات بسعر 2650 جنيه بدلًا من 2800، أو باكدج 12 جلسة بسعر 3750 جنيه بدلًا من 4200. وللطالبات خصم 20% على الجلسات الفردية والباكدجات
رسالة مني ليكي
أنا ياسمين ماهر، باحثة ومرشدة في علم النفس الإسلامي. اتخبطت كتير في رحلتي للسلام النفسي، ومشيت لفترة في طرق كانت بتبعدني عن الغاية الأساسية من وجودي: القرب من الله سبحانه وتعالى
لما بدأت أدرس علم النفس الإسلامي، اللي اتعلمته غيّر «ياسمين» الأول، قبل ما يديني العلم والمهارات اللي تساعدني أساند غيري. وعشان اتخبطت كتير، بقيت بلاقي جزءًا مني في كل امرأة مسلمة حاسة إنها بتحارب نفسها بدل ما تحارب عشان نفسها
بقيت مؤمنة إن فهم النفس في ضوء القرآن والسنة، والاستفادة من تراث علمائنا في فهمها وتزكيتها، ممكن يغيّر نظرتنا لنفسنا وتعبنا ورحلتنا كلها. فمين أعلم بالنفس من الله سبحانه وتعالى الذي خلقها؟
ومن هنا بدأت سكينة.لايف، عشان تساعدك تفهمي نفسك، وتواجهي صعوباتك برحمة ووعي، وتمشي خطوة خطوة نحو نفس أكثر سكينة، وقلب أقرب إلى الله، وحياة طيبة في الدنيا ورضاه في الآخرة
قبل ما تحجزي جلستك، يهمني تكوني مطمئنة للمنهجية اللي هنمشي بيها. من أول جلسة، هنتأكد سوا إن الإرشاد اللي بقدّمه مناسب لحالتك. ولو احتجتِ طبيبًا نفسيًا أو معالجًا أكثر خبرة أو تخصصًا مني، هقول لكِ بمنتهى الوضوح وأوجّهك للدعم الأنسب
جلساتنا مساحة آمنة تحكمها السرية والحدود المهنية، من غير حكم أو لوم. وهنحدد من البداية أهدافًا وخطة واضحة نتفق عليها سوا
مش هأوعدك بنتائج سريعة، ولا هقدّم لكِ نصائح جاهزة أو أفرض عليكِ قرارات. لكن أعدكِ بالصدق والأمانة، واحترام حدودي المهنية، والاستمرار في التعلّم، وبذل ما أستطيع لمساعدتك. ده ميثاق مهني أخدته عهدًا على نفسي، قبل ما يكون مجرد كلام مكتوب على صفحة
ياسمين ماهر
مستعدة تبدأي أول خطوة نحو السكينة؟
احجزي جلسة تعريفية مجانية نتعرف فيها على احتياجك، ونحدد إذا كانت الجلسات مناسبة ليك
